تحيرت وأنا أجيب على أسئلة أولادى 12 سنة و10 سنوات على ما يرونه وما يسمعونه أو عندما يشاهدونه من برنامج اللى بيسموها "التوك شو"...
تحيرت كثيرا على أسئلتهم شديدة البراءة والذكاء من هم يا بابا شباب الثورة ؟ وكيف نعرفهم؟ لأن كل واحد يطلع ويقول أنا من شباب الثورة؟ وليه يا بابا اللى بيحصل فى ميدان التحرير والناس بتضرب بعض ليه..؟! طيب يا بابا مين صاحب حق ومين مش صاحب حق... طيب ليه بيضربوا بعض بالأسلحة هما دول مش مصريين زينا..........؟!
طيب يا بابا مش الثورة قامت علشان يغيروا النظام؟ هو مين النظام ده يا بابا ..!؟ اللى غيروا ده بس.. شالو الرئيس حسنى مبارك...
طيب يا بابا ليه الناس بتشتم بعض علشان أتفه حاجة مثلاً لو عدى بعربته أمامه.... وخناقه وناس أشكالها وحشه.؟! مش عارفين بيجوا منين وهما ملهمش دعوه بالموضوع؟! يا بابا ليه مبنشفش الشرطة ولا والعسكرى ولا أمين شرطة زى قبل الثورة؟! وليه يا بابا جماهير الأندية بيشتموا ويقولوا كلام وحش قوى على ما مت اللاعيبه.؟! وليه الحكم بيقولوا عليه انه لا يحكم إلا بالألوان.؟!
وتخلص المبارة بخناقة..... وناس بتجرى ورا بعض؟! هو فيه رئيس تانى جاى أنا خايف قوى على أولادى بس مش أولادى بس... على كل أولاد مصر.
صورة أرشيفية
مشاركة
اضف تعليقاً واقرأ تعليقات القراء
مشاركة
