فيسبوك
واتساب
دوول النظام القديم اللى فات عليه الزمان
ولا البلطجية اللى واقفين فى الميدان
ولا اللى عنده مطلب وعمال يخبط عالبيبان
ولا دول الأعيان اللى خدوا حريرها وسبوها بالكتان
طب والإسكان والشغل والصحة والسكان
طب والشارع المصرى اللى مفهوش امان
طب العيال والشباب يكبروا إزاى فى جو مليان دخان
حد يتكلم ياجدعاان
حد يشوف الناس اللى فى الميدان
والشعب اللى بيبات جعان
وغيره شبعان
بقلنا سبع شهور محدش عمل أى بتنجان
ودخل شعبان وجاى رمضان
ولسة الدنيا مفاهاش أمان
والكل زعلان
الشعب بياخد بعضه ويسافر على إيطاليا وأمريكا وعمان
البلد مسطولة والشعب خربان
ومحدش يقول لاء داااه فى 84 مليون شاهد عيان
مبارك
