فيسبوك
واتساب
يا خوّانا يا للى هنا
أنا چيت ليكم من زمان
زمان لجـُدام لكنه سجعان وبردان
مهواش زمان فى الماضى نعسان
حرّان من دردا وجنا
يا خوّانا يا للى هنا
دلّونى على تربة أمى وأبويا
أمسك بإديا رفاتهم
بّى وبأولادى من الغربة ... أفـَكِرهم
أفـَكِرهم بأهرامات بنيناها على السين
وفى كل ما روحنا فين ولا فين
وخبينا فيها سّرنا
وعرجنا ودمنا
نيل تانى يروى أرضنا
يا خوّانا يا للى هنا
أنتم موش زى أمى وأبويا
ما فيش فيكم اللى كان بيلمنا
ويضمنا ويجول لنا
إن ما فيش فى الدنيا شعب زينا
يا خوّانا يا للى هنا
إحنا تاريخ وتراث
إحنا أرض ومبادئ وناس
إحنا شادوف وساقية وفاس
يعرفنا الغرب.... وتاس
غريب عنكم يا ناس
ولا أنتم غربان عننا
ولا هى ... معاك ... تسوى تجلنا
وإلا خد الرفات
والبنت والواد
وأمشوا من هنا
أنتم موش زينا
أنتم موش مننا
وماعدش ليكم حاچة هنا
... ... ...
بجى كده يا ناس يا للى هنا!!!!
