فيسبوك
واتساب
بابا نجحت خلاص ارتحت
والمجموع لاهُو فوق ولا تحت
وللكلية أنا برضه وصلت
قريت وذاكرت وياما تعبت
وخدت دروس وفلوس وصرفت
بلاها خسارة خلاص ونجحت
ترم فى ترم يعدى الوقت
وأرجع تانى أنادى وأقول
بابا نجحت ومن دلوقت
لكرسى القهوة أنا برضه حجزت
مين يفهمنى مهما شرحت
هقرا جرايد حتى البخت
فينها الفرصة خلاص أنتخت
ويوم ما تجينى بعد ما دُخْت
همسك فيها بإيدى وسنانى
ولا هتكلم كانى ولامانى
وهَدِى لشغلى كل كيانى
يا إما تبشْبش يا إما شحت
بابا نجحت خلاص ارتحت
والمجموع لاهُو فوق ولا تحت
صورة أرشيفية
