فيسبوك
واتساب
ومسحت التلاتين من عمرى
وكأنى معشتش أيامهم
بستغرب من طوله يا صبرى
من حلم معشش فى منامهم
بقى عمرى من عمر ولادى
وشبابى أتنشط بشبابهم
ورفعت الراية فى ميدانى
وودانى بيسكرها هتافهم
إرحل ولابد هترحل
والقادم هتشيله كتافهم
والعالم يحلف بالثورة
مبهور بشبابنا وأملهم
وشباب العالم يتمني
لو إنه ف ميدانا شاركهم
وهنرمى الراية ف ايديهم
ونسبح للرب يعينهم
وبدرنا عليهم دعواتنا
أرواح شهداءنا بتحرسهم
وشيوخنا هتدعى لولادنا
ونصلى جماعة ف محرابهم
ويامصر هتيجى أيامك
وبشغل ولادنا وعملهم
وهنحذف تلاتين من سنى
أرواحنا هتهرب لزمنهم
ميدان التحرير
