توفيق المصرى يكتب: الندم

راعى غنم صغير يرعى الغنم وحده
الغنم سارح والراعى بيدور على مكان راحة
يومه زى أمسه زى اليوم اللى قبله
الغنم ترعى وهو قاعد زهقان
فكر فى حيلة يشغل بها وقته
فجأة صرخ وقال الديب الديب الحقونى
جرى عليه باقى الرعاة وكل من سمعه
فتشوا المرعى والمنطقة
مالاقوش لاديب ولا حاجة بتهاجمه
اتكرر المشهد مرة ومرتين
والراعى الصغير لا على باله ولا همه
فى مرة جه الديب بجد
انزعج الراعى الصغير وصاح من كل قلبه
وجرى هنا وهناك يطلب مساعدة
الكل سمع صوته لكن ماحدش قرب منه
هجم الديب على الغنم أكل السمين
الراعى الصغير ندم على كل اللى عمله
وقال ياريتنى ما صرخت
إلا وقت الشدة والحاجة لطلب النجدة
كان الناس صدقوه وأسرعوا
وأنقذوه من كل اللى جرى له