اوعى تكتمى فى صدرك الكلام
زيحى من فوق صدرك الغلام
شد حيلك اتحركى كسرى الرخام
سيبك من إمبارح وقولنا وقال
ولعى شمعك بالعسل والميه
احلفى إن المُحال ح يكون حقيقة
وان السنين الحلوة بكرة جيه
وأرضك راح تفضل هاديا ورقيقة
اتكلمى سمعينى صوتك بالغنى
إنسى اللى ذلنى فيكِ وحرمنى إلهنا
أهو غار يا حبيتى ودا كان المنى
إنسية يا حبيبتى وفوقى لى أنا
أنا عمرى ضاع منه تلاتين سنه
واللى باقى مش فى إيدى أنا
الحقينى يا حبيبتى فرحينى كام سنه
وحشانى أوى طعم الحرية هنا
سكته ليه اتكلمى قولى حاجة
ناويه تضيعى عمرى فى حواديت
ولا أنتِ لسه يا غالية محتاجة
زهرة شبابنا تشوفيهم فى توابيت
كفاية يا أمى دمع الأمهات جف
حنى بقه وخليكِ بجد أمي
نفسى أشوف جرح واحد خف
ولا أشوف فيكِ ولا واحد أمى
كفاية خلينى مصدق إن الغلام
هو اللى كان السبب فى اللى كان
بدل ما أغير رأى وأقول يا سلام
راح الغلام.. ليه فضل اللى كان
اتكلمى عن خريطة المستقبل
مزقى خريطة الماضى اللعين
اثبتى إن شبابك واعى مش أهبل
وكان صح يوم ما هد نظام ملاعين
اتكلمى قبل ما يشمت فينا الفلول
ويشوفونا الريح ويشوفكى بلاط
أرجوكِ فكرى بسرعة ف حلول
واسقينا كاس وداع الانحطاط
مشاركة
اضف تعليقاً واقرأ تعليقات القراء
مشاركة
