فى عقلى كتير أسئلة
محتاجلها إجابات
ليه تملى حزين
صوت النايات؟
ليه لما قلبى يحب
لسانى يصيبه سكات؟
ليه رغم إن الحاضر
حاجة جميلة بتبرق
بنحن للى فات؟
وفى عز ضحكى بالاقى
فى عيونى دمعاية
تغنى عن الكلمات
وفى وسط كل الناس
بالاقينى وحديه
وكأنى عصفورة
فى السرب منسيه
أو مركبة تايهة
وسط المراكبية
يا موجه بالرّاحة
قاسيه قوى عليه
خلينى لو مرة
أوصل أنا شطى
أرتاح ولو لحظات
فى عقلى كتير أسئلة
محتاج لها إجابات
مشاركة
اضف تعليقاً واقرأ تعليقات القراء
مشاركة
