فيسبوك
واتساب
من بعد ثورة بلادى
داير ف البلد رحال
بنادى أنا وولادى
شرطة تايهة يا ولاد الحلال
*************
قالوا زمان إنها
فى خدمة الشعب
وكتير شفنا منها
سحل ومهانة وضرب
**************
وياما ركبنا بوكسها
من غير ما نعرف الذنب
ورغم عمايلها كلها
خلاص سامح الشعب
**************
ونادت الناس كلها
يا شرطة انزلى بقلب
املى الشوارع كلها
سايبه مكانك لمين
البلطجية طلّع حسها
والحرامية منتشرين
***************
ياشرطة بلادى لو وخداكى الكرامة
أو كان السبب خوف منا
ما إحنا ياما اتحملنا مهانة
عايزينك ويانا ونصلح اللى بينا
********************
يا شرطة دايرة جوايا أحاسيس
إن عدم نزولك مؤامرة خسيس
ياشرطة بلادى جاوبينى السؤال
أمتى رجوعك ولاعاجبك الحال
**********************
وبرغم أنى لميت أهلى وولادى
وعملناك احتفال
لقيتك يا شرطة بلادى
لسه تايهة يا بنت الحلال
