إيمان محمد البستانى تكتب: كلام فى كلام

الدنيا مليئة بالكلام كل واحد ماشى يتكلم ولا أحد يسمع للآخر أصبح كل واحد فينا نفسه يكون هو محور الاهتمام وإذا أردت أن تجد لنفسك مكانا فى هذا الزخم من الكلام فتجد نفسك أمام طريقين، إما تكون مثلهم أو تكون بعيدا عنهم ويصبح صوتك ليس له وجود ولكن إذا كان الكلام مجرد كلام فماذا يفيد الكلام؟؟

والغريب وأنت بتشوف اللى بيكلم تقول عليه دا فيلسوف وتقول لنفسك اسمع الكلام ولما تحاول تدخل فى الكلام وتقول إيه معنى الكلام تلاقيه حافظ ومش فاهم الكلام، وناس تانية بتكلم وتقول عليهم ياسلام هو دا الكلام ولكن فى النهاية تلاقى كلامهم كلام فى كلام.

وإن فى يوم حاولت تقول رأيك زيهم يقولوا عليك إيه أنت فاكر نفسك زينا احنا اللى لينا فى كلام.

ولا الناس اللى عايزة تكون فى صورة وخلاص وما صدقوا يلاقوا فرصة ويتكلموا وبالأخص الناس دول اللى كتير منهم كان فاسد أو كان فى يوم بيقول على النظام إنه أخويا ولا أبويا وفى يوم وليلة تبرأ منه وأصبح يقول عليه لا دا مش أبويا دا كان نظام مرات أبويا.

وأنا مش هعمل زيهم واكتب مقالة وخلاص أنا بس حبيت أقول عنهم عشان زهقت منهم.