انتشرت دعوات على موقع التواصل الاجتماعى "فيس بوك" لـ"يوم تجميل مصر"، ودعت الصفحة كلاً من قوات الشرطة التابعة لوزارة الداخلية وقوات المجلس الأعلى للقوات المسلحة للاشتراك فى الحملة.
يقول أدمين الصفحة: "يوم لمصر مش كتير عليها، هى محتاجة وفى أمس الحاجة دلوقت ليوم ليها، اليوم ده هيكون بداية لكل حاجة، بداية للعمل والإنتاج والأمن والأمان والطمأنينة، بداية لمصر نظيفة جميلة.. بداية مفيش فتنة تانى.. بداية الشعب والشرطة والجيش إيد واحدة، فى اليوم ده عايزين الكل معانا، الجيش ينزل.. الشرطة تنزل كلنا ننزل لمصر، بنوجه دعوة للجيش والشرطة مع الشعب، مسلمين مسيحيين سلفيين إخوان ليبراليين.. هننزل كلنا فى منطقتنا فى شارعنا ننضف ونرسم ونزرع، نشيل الزبالة، نشوف أى مشاكل موجودة ونحلها، نعمل مجموعات طول الأيام اللى قبل اليوم ده، وننظم نفسنا كويس، نبطل المظاهرات الفئوية، ونحس ببعض الأمان والأمل، محتاجين الروح دى أوى يا جماعة، أرجوكم خلونا نعمل حاجة لمصر مع بعض، ونشارك فيها كلنا كلنا هات أخواتك الصغيرين معاك والد والدتك يوم لمصر بعد صلاة الجمعة".
ويقول أحد المشتركين: "بجد نفسنا نعمل حاجة إيجابية وندور عجلة الإنتاج وكفاية كده"، وطلب آخر بتغيير ميعاد اليوم، نظراً للمعتصمين فى ميدان التحرير الآن وأنها ستعيق الفكرة.
15 يوليو لتجميل مصر
كتب أحمد مرعي
مشاركة
اضف تعليقاً واقرأ تعليقات القراء
مشاركة
