حمدى يوسف يكتب: حلق ... حوش

حلق حوش .. حلق حوش
صورة جميلة .. عايزة رتوش
حقك ضايع ... متسيبهوش
دم شهيدنا مش بقروش
دم شهيدنا هز عروش
لا احنا غلابه ولاّ ديابة...
ولاّ حاكمنا تيران بكروش
إحنا فراعـنة ...
حامى حمانا سرب وحـوش
حلق حوش .. حلق حوش
ركب الثـــــوره اللى مالـــــــــــــوش
عوج العوجــة شباب مدووش

هى نهيبة ولاّ ذكيبة
ولاّ صاحبها عقله طالوش
اصحى وفوق ...
هى الثـــورة خروف منهوش
ولاّ قـفـانـا كمان منقـوش
حلق حوش . . حلق حوش
حاكمـوا يا خلق عريس مطروش
قافل ودنه بميت طربوش
طـالع فيها بريـش منفـــوش
يـاكل حقـى ... ويـسكــتــنى
بـكام .. مـلطـوش ! !
حلق حوش . . حلق حوش
دم ولادنــــا مش مغشــوش
ولاّ طبيــــخ بمبــيد مــــرشوش
حاكمـو يا خلق عريس مطروش
لجل شباب خرجوا ف ثورة
رجـعـوا بـيـوتـهم جـــوا نعـوش
الحق الحق . . . حلق حوش
ثـــــورة بتــــهرب .. عايزة جيوش
تحــمي حــماها م الحـــرفــــوش
ماسـك سنجة ولاّ إزازة
ولا حديدة ف طرف شاكوش
عامل فوضى وناصب نصبه
حاشر نفسه ف اللى مالوش
والله مصرى بس ياكبدى
عقل .....مفيش

إلحق إلحق . . . حلق حوش
جوا ميدانــنــا تـــلاقى وحــــــــــــوش