محمد أحمد لطفى يكتب: ماحدش يقولى محاكمة مبارك

ماحدش يقولى محاكمة مبارك
ويبقى كلامنا فى طريقة المعارك
نخلى كلامنا فى بناء بلادنا
وازاى نعمر وازاى نشارك
صحيح المحاكمة فيها عظات
وفيها محافظة لحق اللى مات
والقصاص كله حياه
ورد المظالم من رضى الله
لكن نسيبها فى ايد القضاء
ونخلى حوارنا فى طريق البناء
ويبقى كلامنا فى ازاى نعمر
فى ازاى نبنى فى ازاى نكبر
يبقى كلامنا فى مشروع زويل
ازاى نوفر مياه النيل
ازاى نحقق فى سينا انجاز
ازاى هايمشى ممر الباز
نكثف جهودنا فى طريق العمل
ونرفع بلدنا ونصنع أمل
أما نضيع وقت ف حوار
عن المحاكمة ليل ونهار
فنضيع ب ايدنا حق شهيدنا
دا الوقت اولى بيه بلدنا شهيدنا مماتش عشان يكون
كم شخص مرمى فى قلب السجون
أو حكم يرجع كم مليون
دا حقه ارفع وأعظم وأغلى
لأنه مات عشان مصر تعلى
فيارب ساعدنا نعلى بلدنا
وخلى ف رضاك مجهودنا وجهادنا