رامى محمد زين يكتب: ما تيجى يا مصرى نبطّل زعيق

الأربعاء، 08 يونيو 2011 11:19 م

علم مصر

اضف تعليقاً واقرأ تعليقات القراء

ما تيجى يا مصرى نبطّل زعيق
ونتعامل بطريقة بمصرى تليق
ونوسع سوا خلقنا شوية
وما نخليهوش بسرعة يضيق
ماتيجى كمان نبطل شتيمة
ونخلى نفوسنا شوية حليمة
واللى يغلط فينا يعتذر
دا عمر الاعتذار ما كان يوم هزيمة
ما تيجى يا مصرى نبطّل خناق
وندوق مع بعض حلاوة الاتفاق
ونتحد د الاتحاد قوة
والضعف سببه التفكك والفراق
ماتيجى كمان بعضنا نسامح
وننسى اللى كان ما بينا امبارح
ولو هنعاتب يا مصرى بعض
ميكونش العتاب ما بينا جارح
ياريتنا يا مصرى من تانى نفكر
ونحاول أنا وأنت من نفوسنا نغير
مصر بلدنا بدأت ف التغيير
تعال يا مصرى نلحقها وما نتأخر