حوا وادم كانوا اتنين
جوا قلوبهم شوق وحنين
ادم منه اتخلقت حوا
راحت شالته ف ننى العين
قام ابليس خلاهم غلطوا
بس الغلطة تمنها كبير
سابو الجنة ونزلوا الأرض
كان ف نزلولهم خير بكتير
زرعوا الأرض جناين فرحة
أصل دا أدم قلبه كبير
قضى حبيبها حياته معاها
واللى ما بينهم شافه الطير
أيده ف إيدها الدنيا احلوت
هى اميره وهوا امير
أدم حب الدنيا عشانها
كان بحنانه عليها يغير
حوا الكون مبقاش بيساعها
وادم م الأحلام بيطير
حوا قالت له بحبك موت
أنا وياك والخوف هيعدى
يلا نغنى بعلو الصوت
ألمس أيدى وخدنى ف حضنك
متخليش ولا لحظة تفوت
أدم عينه ف عينها وسارح
قالها رمش عيونك جارح
ويا جمالهم كله سكوت
حوا قالت له عيونك سرى
أنت حياتى وروحى وقدرى
حوا حبيبتك أغلى ياقوت
حوا وآدم كانوا اتنين
جوا قلوبهم شوق وحنين
هى الزينة وهوا الزين
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
Mohamed
ممتاز
طول عمرك فنان يا أستاذ شاذلى. جميلة جداً
عدد الردود 0
بواسطة:
basbosa
رقيقة
عدد الردود 0
بواسطة:
بهاء الدين حسن
رومانسيه
عدد الردود 0
بواسطة:
دودو
تسلم ايدك يا قمر