فيسبوك
واتساب
هفت على مصر نسايم هوا ردت الروح فيها
تنعش تفتح أبواب أمل لشعب مستنيها
نسايم هوا متحملة بعطر يحليها
بعد ليالى ظلم طالت عم الظلام فيها
حبسنا فيها أنفاسنا آن الأوان نطويها
شقشق فجر حياة جديدة كلنا لنا فيها
قمر ظهر وسط العتمة نور لياليها
هلت علينا بشاير الخير واجبنا نحميها
إيد واحدة بناة مصر هم بنيها
دعوة لكل واحد يحب البلد تعالوا نبنيها
ارفع راسك يا مصرى أوعى تتطاطيها
دوس بعز و كل المصاعب تعديها
يا بشاير الخير.. تعالوا نناديها
هلى على كل أرض مصر وامليها
أملنا يتمتع بخير بلدنا كل أهاليها
