محمد رياض: أنا رافض لحكاية القائمة السوداء

قال الفنان محمد رياض لبرنامج نقطة ومن أول الثورة على راديو "اليوم السابع": "لست مع القائمة السوداء وده شى سخيف ونوع من الديكتاتورية ونظرية تخوين بمعنى لو أنت مش معايا تبقى ضدى لازم نتخطى المرحلة دية علشان نبنى بلدنا ومعظم اللى فى القائمة السوداء كانوا مع التغير وضد التوريث لكن كلهم كانوا خايفين من الفوضى وكانوا شايفين إن النظام السابق لما يقعد ستة أشهر كمان مش مشكلة ماهو قاعد ثلاثون عام وهما ناس بيحبه بلدهم جدا وهما شايفين إن ده كان انسب ولازم نحترم وجهة نظرهم لكن أنا مش مع اللى أساء وغلط فى شباب الثورة وضد القائمة السوداء".

وصرح رياض للبرنامج إن الفيلم الذى سيقوم بإنتاجه من الممكن أن يضم أشخاص من القائمة السوداء لأنه رافض لحكاية القائمة السوداء، مضيفا: أن كلنا مصريين لكن كل واحد له وجهة نظرة ومين مننا مش بيغلط كلنا بنغلط وإحنا شعب طيب هننسى بسرعة"


نقطة ومن أول الثورة" يذاع على "راديو اليوم السابع"، تقديم مروة عبد المقصود، وإعداد أحمد منصور وهندسة إذاعية أيمن الزهرانى وإشراف فنى أسامة جميل.