وليد الوصيف يكتب: يا بلطجى

يا بلطجى شاهد صور الأطفال
وهما رافعين هلال وصليب
لو كنت مسلم انكسف م الهلال
لو مسيحى انكسف م الصليب
****
افهم إننا ح نفضل واحد
وانت اللى ح تفضل غريب
والنار اللى هبت فى الكنايس
بأيدنا ح تنطفى وتطيب
****
لكن أنت يا ألف خسارة عليك
بلطجى وقاتل وخاين دينك
والمقتول اللى أصبح شهيد بايدك
داخل الجنة.. لكن إنت الله يعينك
****
اصح فوق وتوب عن ذنبك
قبل ما تخسر رحمة ربك
مش ح تلاقى اللى يشيل عنك
ولا فى وساطة تخفف ذنبك
****
اعرف إنك وصمة عار
فى أى ديانة أو وطنية
وشعبنا كله ناس أحرار
شاربين من أرضنا حنية
****
مش ح نولع روح الثورة
ولا ح نشمت فينا حقير
ولا راح تنجح ليكووا مؤامرة
دا أنتُ فلول وكمان طراطير