فيسبوك
واتساب
حلم الوطن
زى الهلال
من قلب الضلام انفلق
حلم الوطن لسا جنين
مجروح بيصرخ
م الولاده وفيه أنين
حلم الوطن
يا دوب بيفتــَّح عينيه
ماشى فوق رصيف القلق
تايه فى السكك
بين دروب الغدارين
لابسين ميت قناع
وألف وش
خانوا الشرف باعوا الضمير
خلوا النزاهه تبقى غش
واللى عامل فها طاهر
بس مفهوم من سنين
إنه كان تعلب فى غابه
إنه كان تبع العصابه
وكان فى صف الزمارين
راح مغيــَّر جلد تــُوبــُه
وصار بيحلف ميت يمين
صار بيحلف إنه مخلص
إنه صادق
والجميع بقوا كدابين
حلم الوطن
لسا جوا الحضانات
محتاج رعايه
محتاج حنان المخلصين
