عمر مرسى يكتب: البلطجية

اسم اترّدد وبيترّدد، نِجم ولامع ف الإجـــــــــــــــــــرام شايل سيف أو ماسك شومه، نافِخ نفسه تقول فانـــدام
وشُه مشّرط كله وتِلقي، جسمه مدقّدق بالأختـــــــــــام معروف من صفحة أحواله، كعب وداير ف الإِقســــــام
ومشعّشعّ ودماغه بيدوي، م البانجو يجيلُه الإلهـــــــام ويزُك برجله اما بيمشي، ويتنّح زي الأصنـــــــــــــــــام
ويثبت واحد ف الشارع، من أجل فلوس البرشــــــــام ويقّلب كل اللي ف جيبه، ويناوله لصاحبه الشمـــــــــام
وان ماعرفش يطلع حاجه، غزُه بمطوه وروّح نــــــام ف الإجرام تلقاه بيخطط، ويقلد شغل الأفـــــــــــــــــلام
وبيهجم عالصيده بتاعته، وبيهتك عرض الأقـــــــوام ينهب ويخّرب مستشفي، ويهاجم دور الأيتـــــــــــــــام
وبيقتل ضباط الشرطه، وبيحرق كل الأقســـــــــــــــام ف الشارع فارض سلطانه، من غير ليه وازاي وبكـام
وان فكرت ف يوم تْتدخل، تشبع ضرب وبـــــــــالإلام من كل الأخلاق اتجرّد، تِعجْز عن وصفه الأقــــــــــلام
والقبطي بيتبرأ منه، وتديِنه شيوخ الإســــــــــــــــلام يستاهل تقطع لهُ رقــــابته، من غير نقض ودون إبرام
وتخلي له كمامه ف بقُه، وتعلق ف رقابتــــــُـــه لجام وتبّلغ عنه اما تشوفه، ضابط تنفيذ الأحكـــــــــــــــــام
يعرف وكره ووكر عصابته، وينفذ فيـــــــــــه الإعدام ويكون الإعدام ف الشارع، حكم ورادع للظـُّـــــــــــلام
يتصّور فيديو ويتوّزع، والنشره ف كل الأقســــــــــام ويخلّص مصر من الفوضي، وبناقص مليــــــون هدام
فين الدولة وهيبة الدولة، ولامتى يسود الإجــــــــرام لازم نِلحق مصر بسرعة، ونخلّصهــــــــــــامن الإجرام
ونصونها ونستــــــــــأصل منها، أخبث أنواع الأورام عاوزين أمن الشارع يرجـــــــع، ونعيش ونبُص لقدام
ونعّمر مصر ونبنيها، ونحقْق كل الأحــــــــــــــــــــلام ونرّجع مصر لأمجادها، وترفرف فوقها الأعـــــــــــلام