أحمد شكر يكتب: رسائل عاجلة

1-إلى الدكتور عصام شرف: أسمع كلامك أصدقك أشوف محافظينك أستعجب!
2- إلى الدكتور الجمل: متحيرش المؤرخين سيادتك جمل وإلا وتد؟

وبمناسبة الوتد الشاعر الكبير إيليا أبو ماضى فى قصيدة التينة الحمقاء كان يقول:
وظلت التينة الحمقاء جامدة كأنها وتد فى الأرض أو حجر!
3- إلى السيد الرئيس: شد حيلك وامشى على طره، الحكومة هناك محتاسة مش عارفة تعمل حاجة من غير حكمة الرئيس! تصور أنا لسه فاكر إن أنت رئيس!
4- إلى السيدة سماح أنور "ممكن ولاعة لو سمحتى!"
5- إلى مولانا بتاع البحيرة مفتى قتل البرادعى "عايزين نبايع أمير المؤمنين الملك المظفر "عصام شرف" لفترة انتقالية مدى الحياة، اتأخرت ليه يا راجل؟!
6- إلى سماحة مفتى سورية "ممكن تفهمنى الفرق بين شيخ الفتوى وشيخ الغفر؟
7- إلى عقيد الزنجة زنجة: عفارم عليك يا جدع، أنا هرشحك لمنصب رئيس الحزب الوطنى الجديد!
8- إلى الرئيس اليمنى الذى ينخلع إنجز بقى وفك "السلطة مغرم وليست مغنم"!!
9- من تسريبات طره "العيب منا يا راجل داحنا غلطانين، جهزنا كل المطاوى والسنج والقنابل والبلطجية والجمال والبغال والقناصة علشان نقضى على الثورة بس نسينا نسحب البصل والخل من السوق؟