لو بتحب مصر بجد
خليك قد الحب وقد
ثوره جيلها وقوم غنيلها
بحبك حب محبوش حد
لو بتحب مصر بجد
نظف إزرع إبنى وشِد
شِد الحيل يا أبن النيل
أُبدر ورد هاتحصد ورد
لو بتحب مصر بجد
يا متغرب غيبتك رُد
إرجع بلدك إطوى البعد
ده مصر إحلوت سامح فوت
إنسى إمبارح عيش للغد
لو بتحب مصر بجد
آن آوانك توفى الوعد
تبقى لناسك مش للفرد
تدى متستناش الاخد
عيش بضميرك وإنصح غيرك
لو هاتحب مصر بجد
إتعب جِد إعرق كِد
إخلص وأُحرس رمل الارض
مصر مصر دى بلدك
وبلدك ربك وانت العبد
لو بتحب مصر بجد
مشاركة
اضف تعليقاً واقرأ تعليقات القراء
مشاركة
