سيد أحمد الهمشرى يكتب: رساله إلى الميدان

هاتوا ايديكم كلكـــــــــــــم شدوا عزيمة بعضكــــــــم
واتجمعوا واتوحـــــــــدوا علوا منارة مجدكــــــــــــم
كفاياكوا من غدر السنيــن كفاياكوا آيام الآنيــــــــــــن
بعد النهارده معدش حـــــد يا نور عيونى زيكــــــــــم
......
قلبى وروحى عندكـــــــــم و ف كل لحظة بضمكـــــم
حضنى بقى وسع الميــدان شايف فى حضنى حضنكم
يا نبت مصر يا طيبيــــــن يا أغلى من نور العنيــــــن
ياللى على أرض الميـــدان فديتوا مصر بدمكـــــــــــم
......
قلبى معاكم كلكــــــــــــــــم قلبى نبض على حسكـــــــم
من بعد نومنا فى ليل طويل هل النهار على فجركــــــــم
يا شباب بلادى يا مخلصين يا شباب بلادى المُلهميـــــن
الدنيا وشبابها الجميــــــــــل فرحوا وغنوا لنصركــــــــم
......
يا نفحه من نور ربكـــــــــم ياللى فديتم شعبكـــــــــــــــم
ياللى رفعتم رسنا فــــــــوق وزرعتوا فينا عزمكـــــــــم
يا فرحة القلب الحزيــــــــن ياللى رويتوا العطشانيــــــن
ياللى التاريخ راح ينحنـــــى ساعة ما يكتب عنكــــــــــــم
......
قلبى معاكم كلكــــــــــــــــــم بنده بكلمة فى ودنكــــــــــــم
اياكوا من صوت الشيطـــان اللى بينكش جنبكــــــــــــــــم
اياكوا ابليس اللعيــــــــــــــن يدخل ما بينكوا بكلمتيــــــــن
اياكوا كلمة من حســـــــــود فى الليل تشتت شملكــــــــــم
......