القدر مش ملك أيدينا
والحياة ما كانتش ظالمة
والقلوب اللى باعتنا
م البداية طريقها عتمة
خطوة خطوة ومشيناها
تبتسم نضحك معاها
اتخدعنا وحبناها
قيدنا شمع ف سكة ضلمة
***
قولنا حنغيّر مسارها
قولنا نبنى مهما كان
قولنا بالإخلاص مسيرها
تبدر الرصفان حنان
قولنا ياما وياما قولنا
وف طريقها بشوق سافرنا
واما جينا نعيد حسابنا
خطوة جرح وخطوة صدمة
دى القلوب اللى باعتنا
م البداية طريقها عتمة
***
كل ثانية تفوت جروحنا
تنزف الأيام دموع
كل جرح يشق روحنا
ننتفض ضد الخضوع
اللى كان الورد ليهم
واللى دبل الورد بيهم
واللى دوقنا ويايديهم
معنى طعم الموت ف كلمة
والحياة... ما كانتش ظالمة
.........................
مشاركة
اضف تعليقاً واقرأ تعليقات القراء
مشاركة
