كلنا أقباط قبطى يعنى مصرى مصرى مسلم مسيحى
طول عمرنا مؤمنين لكل واحد دين
أكتوبر تلاتة وسبعين ف الخندق شمال يمين
جرجس مينا حسين جنود شبان جدعان
بيضحوا عشان مين علشان كلنا مصريين
كلنا أقباط قبطى يعنى مصرى مصرى مسلم مسيحى
جارى ساكن قصادى اسمه جورج فادى
كل عيد ينادى يدخل بيتى يهادى
كمان زمايل عملى فيهم أم شادى
وش بشوش ونادى أكتر قلب صافى
كلنا أقباط قبطى يعنى مصرى مصرى مسلم مسيحى
عم إسكندر مريض ع المستشفى أوأم جريت
من دمى أنا اديت رجعنا سوا للبيت
عم إسكندر غالى بيسأل على عيالى
قبل عمى وخالى ألاقيه دايما قبالى
رغم كبر سنه مفيش حاجة تهمه
إلا إنه مصرى والله محبة عنده
كلنا أقباط قبطى يعنى مصرى مصرى مسلم مسيحى
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة