ابو السباع الفُللى
بيرد ع اللى مايعرفوش
تقريرسماعى يجيلية حتى مايقرهوش
"جملة اعتراضية "
قالوا زمان
حمام عمومى للنسا
وللعت فية النيارن
اللى اختشوا ماتوا
واللى خرجوا عاشوا
لأنهم لم يحرجوا أو.. مختشوش
هيه العبر تتقال كدا
من غير رتوش
نرجع لأصل المكلمة
سئلوا كبير المشرحة
شاهد فى قلب المحكمة ..
خالد سعيد.. سنانه لية متكسرة؟
شهد السبوع وقالنا
دى حادثة من قبل الزمان بزمان
خلع سنانه.. ف عيادة خاصة
وحشى ضروسه اللى ورا
والضرب والكدمات ..
والبلهدلة ف وشه المقطع حته حته!
دي من التشريح
الأبرة كان بوزها عفش
والخيط خلص
قفلنا بيه الى عرفنا نقفله
والباقى سيبناه للقدر
ماهو مات .. قلنا نوفر خيط
وبلاش دعاية ومنظرة
يعنى خلا ص
وقفت على خالد سعيد
دا احنا سلمنا الجثث فى المشرحة ..
لناس مايعرفهومش
بس واحتفظنا بال " دى ان ايه "
فى ورقة حلوة معطره
دى حكاية من اللى قالها كبيرهم
ليسرى فوده على الهوا
يادى الكلام المـ.........
سؤال شرعى !؟
هو مبارك لسة ليه فى المنتجع ؟
طلع لسانة للجميع
زى مقال تقرير طبيبة الخاص
قلبة بيرتجف
والنبض عندة مختلف
ولسه زعلان مننا
لأننا .. عايزن نعالجه باهتمام
بالمركز الطبي المجهز عالمى
طريق مصر السويس الصحراوى
فى الدور الثالث على الشمال..
جناح مجهز بيطل على بوابة 6..
بزواية خمسة واربعين
ويسيب ف شرم.. مرجانه والمغارة
وسمسم واليخوت وعلى بابا والأربعين
طب ماهو راح لألمانيا وقلبه مرتجف
ع السامعين
وجه وراح تانى
لأمريكا ونبضه لسه مختلف
واحنا لسه قاعدين
وجه وراح سويسرا واحنا بنستلف
من كل صاحب مله واللى ملهوش دين
ياسبع باب المشرحة
ياخير من جئت خلف
من بابا ده وعد وسلف
يأمين لمولى نعمتك
ياللى تخطيط القدم
وقفزت مره على الأيدين
ومرة تانية بالقدم
زى ماقلت لفوده انك اختيار
مدد ياصحب الأختيار
من الجهات العليا والسيادية
من غير طابور الإنتظار
ماهو دا ياصحبى الإختبار
الطب دا رساله والشرع عند الله
وامانه ف ايدين البشر
السما والأرض رفضوا حملها
مين يفلتك من عِبأ تلك المسئلة
إلا .. من رحم الله.. فقد نجا
يايها الأنسان بالجهل الظلوم
من تسبع سبعهُ واحتال..
سبعا من سباع سباعه..
سبعا سبوعا و راح مسابعا ..
تلك السباع بسبعه ذاك السبوع
بخسة الضبع المنوع
فقد هلك.
تنويه
كتبت هذه القصيدة بعد مشاهدنى لحلقة برنامج "آخر كلام" مع الأعلامى الهادئ المتميز يسرى فودة والذى رأيته مستفزا لأول مرة فى حوار يجريه، ولكن الدكتور السباعى كبير الأطباء الشرعيين والذى كانت إجاباته مستفزة مثل بيانات مبارك الأخيرة قبل التنحى وكلامة متناقض، مما شككنا فى نزاهة ما يتم فى تلك المؤسسة المحترمة والتى سوف يسأل كل شخص فيها عن شهادته يوم القيامة.
تم أضافة تعليقك سوف يظهر بعد المراجعة