فيسبوك
واتساب
عشت يــــــا جيشنا مدى الأجيال
عشت يــــــا أغلى شباب ورجال
عشت تعلّـــــى عشت تملّـــــــى
جيش لجيـــــــوش الدنيا مثــــال
جيش الحــــــق هــواه ودستوره
جيش الـــــــــواعى الفاهم دوره
يمشى ف ضى العدل ونـــــوره
جيش يتّـــاقل جنـــده بمــــــــال
جيش بيجـــود بـــــالروح والدم
عمره مــا قال وأنـــا مالى ياعم
حــــــواليه كـــــــل الشعب اتلم
علشان صادق وابــــن حــــلال
جيشنا الجيش اللى مـــــابيبعش
مين عن جيشنا ياناس ماسمعش
اللى ف ايـــده يزيــد ما يضعش
دا رصيــــد مصر وراس المال
يــــاجنود رافعة رايــات النصر
يــــــانسور صاينة كرامة مصر
أمجـــاد مالها حـــدود ولاحصر
بطـــــولات قهرت كــــل محال
انتـــــوا نقـــــاوة مصر أسودها
انتــــوا القوة الحــامية حــدودها
خير جنــــود الأرض جنـــودها
زى مـــا أصدق صادق قــــــــال
