غلطت مره زمان وسلمت أرضى لديب يحرصها ويراعيها
امنته وقلت فاهم فى الأصول ولا عمره هيعاديها
اديته قوة اديته نفوذ عشان من الغريب يحميها
ولا كان فى بالى هيجى يوم يدخل غريب فيها ويبيع ويشترى فيها
الديب كبر واتمكن وبقى حواليه ديابه
وكل ديب بينهش من اكتاف الغلابة
حاولت امنعه زمان وقلت عيب ياديب دى مهما كان ارضي
شردنى وبالقانون فقلت مش أرضى
يعنى ايه اسرق واخون وانا حالف اليمين
يعنى ايه املا السجون من المظلومين
يعنى ايه اقفل بيبان الرحمة فى وش المحتاجين
أنا مش هلوم عاللى حصل مدام بلدنا فى ايد شوية مجرمين
رئيس وزير نائب وضابط عسكرى حتى الأمين
واهو كله بيسرق كله خاين واحنا قاعدين
متلجمين وبالشباشب وبالنعال منداسين
ومن الأمان وفى الايمان متهانين
مين يجاوب مين يقول ده يرضى مين30سنة فى عذاب30سنة فى مرار
ولو فيه تشكيل وزارى يرفعوا الاسعار
وأقول فيه ديمقراطيه وحرية اختيار
وأتكلم عن المشاكل وابين فى الأسرار
الاقى نفسى ارهابى وبنضرب بالنار
وارجع واقول دى غلطه من زمن مدفون
ماتت فيه الموده والقلب الحنون بتضيع حبيبتى منى وقدام العيون
عشان شوية كلاب وديب كبير ملعون واسف لو كنت بقول كلاب
لأن مهما كان الكلب لا يمكن يخون ازاى شباب
متعلمين متخرجين ومن سنين من غير وظيفه او نصيب
وصنف تانى قبل ما يتولدوا بسنين بيكون له منصب محترم أصله ابن ديب
ازاى فى حتة طفل مات الشعب كله يقفلوا خوف شهرين حداد
وشيوخ كتيراتعذبت واتهدمت فوقهم بيوت عشان قوت الولاد
وفى يوم وليله ومن فوق سبع سماوات يشاء رب العباد
كل المظالم تنتهى وينتهى عصر الفساد
على ايد شباب ابطال رجاله مش كلام
وقفوا فى قلب ميدان لتغيير النظام وفى ثورة التحرير ينضربوا بالألغام
بيطالبوا بكلمتين اتنين عدل وسلام
متحزنيش يابلدى على ابنك دا عاش راجل ومات شهيد
متدمعيش دمعه وافرحى ابنك كشفلك فجر يوم جديد
ومفيش خلاص فرق ما بين مسلم مسيحى هنبقى ايد
ومن النهارده مفيش أمير من الناهرده مفيش عبيد
الثورة
مشاركة
اضف تعليقاً واقرأ تعليقات القراء
مشاركة
