زى الفيران فى الجحر
خايفين مووت
انقصف وعدى العمر
وفات فووت
كان عمرهم بيزهزه لهم
أحلى حياه فى يخوت
فى البحر راسيه وناسية
شعب عمره بفوت
ملقاش حياه فى وطن
عاش فى العفن مكبوت
آه يا شعب قاسى وداق المر
من الرئاسة ياما شفت يا حر
نظام مكنش تمام ولا صباحه يسر
ولا ضحاه ولا مساه ولا هواه
بيجر
إلا الموت
وكفن مشحوت
ناموا يا فئران الغش
والجبنة الأريش والمش
ناموا يا طرش
على البلاط والبرش
ناموا يا فئران الطبيخ
مالكوش تاريخ
غير الفساد والعار
واحتكار هلفوت
عنده كام مليار نيموه كالفار
على البلاط حيموت
ناموا يا فئران الجرن
ع الأرض
مملؤين بالحزن
سلوا بعض ببعض
العصير والبن
موتوا م الانتظار
ليل نهار
الحكم جاى جبار
اعدام وسجن وركن
فيه تابوت محطوط
لطاغوت أخد م الشباب شلوت
فئران
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة