شوف ربنا شوف قـــــدرته
شوف وأقـــرا وافهم حكمته
شوف ايه جـرى للى افترى
بعـــــد امــــا خلصت مهلته
سبحانه مـــــن علّا ورفـــع
وسقط بـــــأمره اللى ارتفع
والكــــــــل ليه ذل وخضع
ومفيش كــــلام فوق كلمته
سبحانه مـــــن طلق اللسان
وفتــــــح لنا كــــــل البيبان
وفــــرش لنا أرض الميدان
ونصر شبــــــابنــــــا وثبته
مين كـــان يقول اللى اعتلى
على عـــرش مصر المبتلى
ح يتوه فــــى حـــل المسألة
فى السجن ح تكون آخرتــه
يا نظام فــــى سرقتها انبرى
بعتوا البلد للــــــــى اشترى
للشعب دا كـــــان ايه جرى
لو ما مشيتوش مــــن سكته
قلوبكــــوا مــــاتت م الطمع
وقلوبنا مـــــاتت م الوجـــع
وعطاكــــوا لكــن م الجشع
كله اعترض علــــى قسمته
قلبتوا ليـــــل الناس نهــــار
وزرعتوا هم ف كـــــل دار
واللى حصل كـان باختصار
مظلوم دعــــاه جاب دعوته
بالزور خرجتوا علـى الملأ
وغباءكوا مرسوم ع الورق
كـــــان صوتنا لازم يتسرق
ووريثنا يـــــــــاخد فرصته
من ظلمكوا ابليس بكـــــــى
وصعب عليه اللى اشتكـــى
للجـــن قـــــــال فى المملكة
علــــى عـــز ادعــوا وشلته
حــــــــــولتوا مصر لسلطنة
ولبستوا تـــــــــوب الفرعنة
ابليـــــــــس أمـــير الشيطنة
خبرتكــــــــوا فــاقت خبرته
أنــــا نفسى أعـــــرف منكوا
قبل التــــــراب مــــــايلمكوا
ايـــــــــه راح تقولوا لربكوا
يـــــــــوم اللقا وف حضرته
مشاركة
اضف تعليقاً واقرأ تعليقات القراء
مشاركة
