وليد الوصيف يكتب: ما تزعلوش يا عرب

ما تزعلوش يا عرب من كلامى
أنا أصلى بشر من حقى أغير
لازم أصرخ وأقول كلامى
الحمل زاد واحنا بشر مش حمير

***
اسمعونى للنهاية وها يبان لكم
إن فى قلبى حب كبير
وإن الشجرة الطرحة فى بتكم
بيوصل منها لبيتى الخير

***
ليه الضعف وليه الفرقة حقيقية ما بينا
ليه الغرب دخلوا بيوتنا ولوثوا دينا
ليه الفجوة عمالة توسع أكتر بنا
وليه الغرب فى كل كبير يا ناس سبقنا

***
ليه الوحدة بس جميلة فى كل غنانا
ملهاش معنى حقيقى يصرخ ليه جوانا
حتى الغنوة اللى بنسمعها مش لمانا
ونصدقها لحظة بس وإحنا حزانا

***
ليه السلم نازل بينا
مع أننا إحنا إللى بنينا
ولا نسيتوا مين أهلينا
إبراهيم بنى الكعبة
والرسول بنى مسجد المدينة

***
فين علماءنا اللى حلمنا بهم
هما نسوا خير أوطانهم وخانوا أهاليهم
ولا السفينة على بر الغرب بترسيهم
ولما ترجع أرض الوطن تغرق بيهم

***
ليه لما حد فينا يطلع قدام
نبعد عنه ونحقد عليه
ونقول أبوه أساساً كان خدام
بدل ما نغير منه ونحاجى عليه
***

ليه الغيرة ننجح فيها
لما تكون فى رذيلة
عرى ورقص ومسخرة فاضية
ورسمت وش وعدسات عيرة

***
ليه ما نغيرشى من وحدتهم
فرقتنا الفاسدة أكيد قوتهم
الوحدة ما بينا هتموتهم
جتنى وجتكم مليون نيلة

***
فكروا حبه بحبة عقل
وردوا عليه بس بعقل
رغم جواب أسئلتى بسيط
مش محتاج ولا ذرة عقل

***
فيه عصفور بدون جناح يطير؟
فيه شحات ممكن يكون أمير؟
فيه ليل ممكن يغيب يومين؟
فيه بحر ما فيش فيه خير؟

***
فى حد ممكن يقول ممكن
ولا الكل يقول مستحيل
مستحيل
فعلا مستحيل

***
أنا عصفور والوحدة جناحى
أنا شحات والوحدة مالى
أنا نهار والوحدة ليلى
أنا بحر والوحدة خيرى

***
يبقى أفكر يوم أطير.. مستحيل
طب أفكر أكون أمير.. مستحيل
طب ممكن أعيش فى أمان الليل.. مستحيل
طب يبقى فيا لحد خير.. مستحيل

***
يبقى عشان نطلع لقدام.. مستحيل
يبقى عشان أحس إن أنا إنسان.. مستحيل
ولو أسكت وتفضلوا سكتين يبقى بقينا حمير
أحنا بشر يبقى لازم على الأقل شوية نغير

***
يبقى لازم نفوق ونكمل التغيير
إيدنا فى إيد بعض ما فيش مستحيل
لابد نوصل صحارى الخليج بالنيل
لابد نحمى أراضينا وشعب فلسطين

***
ننسى شوية أعلمنا وأسامينا
نهدم حواجز فوق أراضينا
نرفع شعار وحدة عربية
ترعب الكبار من أصغر ما فينا

***
إحنا زرعنا العار لنفسينا
اللى إحنا فيه حصاد أيادينا
لو تفتكروا يوم ما اتجمعنا
فى ستة أيام حررنا سينا
جتنى وجتكم مليون نيلة