جمال مترى يكتب: مينا وجرجس وكريستين.. مصريين؟

سؤال
مينا وجرجس وكريستين.. مصريون؟
مسيحيون
بس وطنهم مصر
روحوا لطيبة وأسالوا مينا
إللى وحد القطرين
أو أسالوا صاحب التاجين
مينا وجرجس وكريستين.. كانوا فى زمنك موجودين؟
مينا وجرجس وكريستين.. كانوا فى عهدك محكومين؟
هيجاوبك فى غمضة عين
!!!!!!يعنى يابانيون.
بالتأكيد دول مصريون
وتحت رعاية ملك الأرضين
كانوا موجودين
بعدها أصبحوا مسيحيين
ولكن ظلوا مصريين

أسالوا حتى نهر النيل
إللى بيمشى بين شطين
وإللى بينبع من رافدين
مينا وجرجس وكريستين.. مصريون؟
وطنيون؟
!!! هيجاوبك وهو حزين
على ظلم البنى آدمين
للبنى آدمين
لمينا وجرجس وكريستين
أصلهم كانوا زارعيين
حاصدين
على ضفت نهر النيل
ليهم نخلة وشجرة ووردة
ليهم فكرة
ليهم دمعة على الخدين
وأنتوا أكيد.. أكيد عارفين
أبنى مينا
وأبنى جرجس وكريستين
مسيحيون
مصريون
وطنيون
ومش خاينين