فيسبوك
واتساب
اوْعُوا تِلِينُوا أوْ تِسِيبوهْ
مَهْمَا اتصَلبَطْ هَنحَسْبُوه
ْدَا بلدْنا خِرْبِتْ وِاتدَيَنتْ وِالمَصْرِى العِترِهْ ذَلوهْ
اِوْعُوا تِلِينُوا أوْ تِسِيبوهْ
دَمْ الشُّهَدَا دَا لِسّهْ بِينْزِفْ
وِاللى انصَابْ خَلصَانْ وِبْيهْتِفْ
وِصَاحِبنا بينكِرْ وِ بيحلفْ
إِنْ مَاحِلتو اللضَهْ، "هَأُّوهْ!!"
اوْعُوا تِلِينُوا أوْ تِسِيبوهْ
يَاللى فلوسَكْ فِى السَّرّادِيبْ
إِوْعَى تِقوللى أخَدْهَا الدِّيبْبِ
القِوِّهْ لَزْماً هَتجِيبْحَقْ بَلدَنْا اللى نهَبتوهْ
اوْعُوا تِلِينُوا أوْ تِسِيبوهْ
يامَا بسَبَبهْ اتبَهْدِلْ ناسْ
لاَزِمْ يِشْرَبْ مِنْ دَا الكاسْح
ُطوا وِشِدُّوا عَليهْ حُرّاسْ
وِفْ قفَصُهْ اوعُوا تخبُّوهْ
إِوْعُوا تِلِينُوا أوْ تِسِيبوهْ
دَا وْلاَدُهْ عَمَلوا شَرِكاتْ خبُّوهَا وِالتعْلبْ فاتْوِ العيلهْ عَايشِينْ أغَوَاتْ وِ الكِنزْ فِ ثانيِهْ خَبُّوهْ
اِوْعُوا تِلِينُوا أوْ تِسِيبوهْ
كَرَامِتنَا غَاليَهْ وِ مِشْ قِلهْ
حَالفِينْ نِسْجِنْ كُلْ الشِّلهْ
مِشْ تَعْوِيضْنَا بِقِرشْ بِذِلهْ
يَاخْوانَا إِصْحُوا وِ حَاكمُوهْ
اِوْعُوا تِلِينُوا أوْ تِسِيبوهْ
لوْ سِبتوهْ رَاحْ تِبْقَى خِيَانِهْ لِلثوْرَهْ وِدِى فِيهَا إِهانِهْ وِاللى هَيِحْكمْ رَاحْ يِنسَانِهْ وِهَيِسْرَقْ وِاحْنا نحِبوهْ
اِوْعُوا تِلِينُوا أوْ تِسِيبوهْ
