أنــــــا شايف بكره أنـــــا شايف
أنــــــــا شايف للحــــــلم شفايف
أنا سامع مصر ف صوت واحد
والصوت بيقول أنــا مش خايف
أنـــــــا شايف مصـــــر بتتحرر
وقيـــــــــود السجـــــــن بتتكسر
والحق بيرجــــــــع لصحابــــــه
ومصيرها بــــــأيــــــدها بيتقرر
أنــــا شايف مصــــــر أم الطيبة
بتعـــــود مــــــــن أسر التغريبة
بتبوح بــــالكامن فــى ضميرها
وتقول علــــــــــى سر التركيبة
أنــــــــــا شايف مصــر الولادة
فرشت لـــــــــولادها السجـــادة
احساسى الصادق بيقوللـــــــــى
رقبتـــها ح ترجـــــــــــع سدادة
أنـــــــا شايف مصر بتتحــــول
وبتـــــرجـــــــع أحسن م الأول
والمصرى الواثق مــــــن نفسه
بيغوص فــــــــى العلم ويتجول
أنــــــــا شايف مصــــــر بتتقـــدم
وبتقـــــــــــرا وتكتب وتعلـــــــــم
ومع اللــــــى يعادى مــاترحمشى
وع اللــــــى يسلـــــم بتسلــــــــــم
أنـــــــا شايف مصـــــر بتتطــور
بشبابها الواعـــــــى المتنــــــــور
نـــــــازل بيجمّــــل شـــــوارعها
ومحـــــدش نــــــــازل يتصـــور
أنــــــا شـــــايف مصــــر بتتعمر
وربــــــوع صحـــاريها بتتخضر
والخــــير بسواعــــــد فـــــلاحها
بيكفـــــى وبيفيـــض ونصــــــدر
أنــــــــا شايف مصر الأثريــــــة
بجمـــال منــــاظرهـــــا الطبيعية
قبـــــــــلة سيــــــــــاح المعمورة
ومقر أمــــــــــان البشريـــــــــة
أنــــــــا شايف مصر المحروسة
بمشاعــــــــر دافيـــة ومحسوسة
فـــــى قلوب اخــــــواتها بتتربع
فــى عيون الكون أحلى عروسة
صورة أرشيفية
مشاركة
اضف تعليقاً واقرأ تعليقات القراء
مشاركة
