"الفنكوش" كتاب يسخر من فكرة تحويل الحاكم لإله

صدر حديثا عن دار أطلس للنشر، كتاب " الفنكوش" للكاتب الساخر إيهاب طاهر.

الكتاب يقع فى 141 صفحة وينتقد بشكل ساخر مجموعة القضايا السياسية والاقتصادية والاجتماعية، فيقول الكاتب فى مقدمة عمله: المصريون اتفنكشوا من زمان من أيام ما اتكدب عليهم وعرفوا بالكدب إن الحاكم هو الإله، وأن اللى يكدب على الحاكم يسخطه قردا واللى يضمر فى نفسه سوءا او شراً للحاكم الحاكم يسخطه دودة ، تزحف على الأرض على بطنها وتتفعص بالرجول واللى يعترض على الحاكم لعنة الحاكم مصبوبة عليه ليوم البعث هو وأهله إحنا مكذوب علينا من زمان كلنا عشنا فى كدبة وبعدها كدبة بس يمكن أكبر كدبة اتكدبت على المصرى وصدقها انه حر وله كرامة.

ويضيف: بدون خوف من إيه؟ من الفقر والعوز والحاجة، ولا من حكومتها ولا من عساكرها ولا من رجال أعمالها ولا من نوابها ولا من وزرائها ولا من إيه ولا من إيه؟ منخضرواتها المسرطنة؟ من مياهها الملوثة؟ من طرقها وكباريها اللى ما بتراعيش حتى المواطن فى السير وهو آمن؟ من دستورها؟ دستور ايه يا سيادنا!!، وعلشان احلام الناس الغلابة والطيبين وحتى اللى مش طيبين، كان لازم يكون فيه يكونوش، علشان الأمل كان لازم يكون فيه فنكوش سواء بقى حقيقة أو وهم لازم يكون موجودا وكل واحد وحظه وبخته يا يطلع فنكوشة حقيقية يا يطلع وهما وعلى فكرة اللى مالقاش فى المصريين حد يفنكشه دور له على فنكوش واتستر بيه او اتجهز بيه.

يحوى الكتاب 21 فصلا من بينها: حاجة عايزنكم تعرفوها، الفنكوش، فنكوش الحياة الزوجية ، فنكوش الزوجة المصرية ، فنكوش البنت المصرية ، فنكوش الشباب المصرى، فنكوش الطفل المصرى ، فنكوش النسونجى، الفنكوش على صفحات التايمز، فنكوش جايدوفنكوش المزاجنجية.
يذكر أن إيهاب طاهر صدر له من قبل عدة أعمال من بينها: رئيس جمهورية نفسى، طظ فيكم، حمرا، مصر على موجة كوميدى، أمك اسمها حنفى وموت يا فيل.