محاسن بيومى تكتب: لا للفتنة بين الشعب والجيش

أيوه يا جيش الشعب يا جيش
شهداءك فى السما بتعيش
زى ماقال سيد درويش
قومى يا مصر ما تتهزيش
أيوه يا جيش الشعب يا جيش
مش ناسين شهدا وأبطال
سقوا بالدم زتون ورمال
قوة صبر تهز جبال
زرع الفتنة مابينا محال
بينا الوحدة وميه وعيش
أيوه يا جيش الشعب يا جيش

هانصلى للمولى ونشكر
شجر الورد معانا هايكبر
فرحة قلب الشعب هاتكبر
الله على جيشنا الله أكبر
تحيا بلادنا - بلادنا تعيش
هانحطم حلم الحرافيش
ع البلطجة نقضى وهانعيش
هانعيش تانى ومصر تعيش
جيشنا المصرى ده أعظم جيش
آه يا بلدنا ومليون آه
شفت شهيد بيسمى الله
مات ووهب لبلاده حياه
وملايكة ف السما حاضناه
بنات الحور وياه بتعيش
أيوة يا جيشنا يا أعظم جيش
قومى يا مصر ما تتهزيش