فيسبوك
واتساب
والورد دبلان ع الغصون
والشمس لم تشرق
والحزن طالل م العيون
والأهه مكتومة
وجراحنا مقسومة
حبة ألم حبة جنون
والخوف بينهش لحمنا
والضحكه تايهة ف قلبنا
مع أننا
عاشقين غناوى الفرحانين
أتارينا لسه مشفنهاش
والنور مجاش
يحل قيد المظلومين
فجأه الشباب
دفعوا الحساب
دا حساب سنين
كان صوت هتافها ف قلبها
بيصحى خوف المهمومين
والصوت على هز العرين
ولاحد قادر يخرسه
ربك كبير وبيحرسه
ربك أمين
كان صوت قوى
والكل منه بيرتوى
من بعد صمت العطشانين
واتكسرت كل الصور
واتبدل الخوف بالأمل
والشمس هلت ع الوشوس
واتهدمت كل العروش
والورد فتح من جديد
أحساس جديد
بمصر أم الطيبين
علم مصر
