كل وقت وله أدان
بينا ننزل ع الميدان
ف الميدان هتشوف ولادى
بأعلى صوت تهتف بلادى
حرة فوق كل الأعادى
الوطن بيحس بينا
قلبه دايما باقى لينا
أيد فى أيد نهزم فى خوفنا
نغزل الأوطان ف روحنا
هى دى بلادى الأمينه
فرحانين والشمس هلت
دفت الأولاد وخلت
كل حاره وفيها زينه
مصر رجعت بعد غيبه
والقلوب ماليانه طيبه
صوتنا يكبر تانى فينا
حبه حبه بلدنا تعمر
طول ما ننوى أكيد هانقدر
كله راحل وانتى باقيه
حضن أكبر للأحبه
أحلى مهره وأحلى شابه
والجبان راح يستخبى
يلا غنوا معانا بينا
ودعوا الدمعة الحزينة
والأمل يملا المدينة
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة