مهندس عزمى إبراهيم يكتب: أخى المسلم أحبك ولو حتى ما تحبنى

أخى فى الوطــن
أخى فى الحيـــاة
بحــــق الزمــــن
بحــــق الإلـــَـــه
أحبـك إذا ما تحبـنى
وأحبــك ولو حـتى ما تحبـني
فى حضن مصر، مصــــر أمنـــــا
وعلى أرضــــها، على أرضنـــــــا
اتـولــــدنا ســـوا، ورضعــنا ســـوا
نشـــــــأنا ســـوا، ولعبــــــنا ســـوا
وطـول الطريـق، مشيــــــنا ســـوا
وكبـــــرنا ســـوا
فى وقت هنــاؤها حنانــها لنـــا
ووقــت أسـاها وقــت الضنى
نــادت لنـــا
قاسيــنا ســوا وحاربـــنا ســوا
بذلنـــا دمــانا ونجحـــنا ســوا
أنـت وأنــا
لـنــا مصــر واحــدة
ومن حقــها نكـون لــها وِحــدة
لا يفصلنا لون.. لا يفصلنا جنس.. لا يفصلنا دين
فى وقـت احتياجها لا فيـنا جبان ولا فيـنا ضنين
فمنّا الضحيـة ومنا القتيــل ومنا السجيـن
أنـت بتهتــف دينـك سـلام
وأنـا بانــادى ديـنى سـلام
دينـك سـلام وديـنى سـلام
خلاصة الكلام
دا وقــت الحقيــقة
فى هـذه الدقيــقة
تعالى نعيش فى حب وسـلام
وننشـر مـودة وننشـر سـلام
الدين مش خطابة
الدين مش كـــلام
فى دينــك وديـنى
كــُرْه الأخـُـوَّة
فى الاتنيــن حـرام