مين شاف طوابير الحـريـــــة
فـــــى شوارع مصر العـربية
مين شاف الشعب المتنـــــــور
دا المصرى وقبله المصريـــة
طوابير ماكانتش عشان قوتــه
طوابير بترد علــى سكوتـــــه
طوابير علشان يدلى بصوتــه
مــــاهو صوتـــــه بقاله أهمية
الصوت من سجنه خرج بــره
والكلمة معاه صبحت حـــــرة
وسنين عـــــدّاها كانت مـــرة
جــــاى غيرهــــا بشهد محلية
الشعب المصرى على أصوله
عبر عن رأيــــــــه وقال قوله
لاطابور اتململ مــــــن طوله
ولا نبـــــرة يـــــــأس وسلبية
مصر لا ح نسيبها ولا تسيبنا
فـــــى هواهــــا محدش كدبنا
بنـــــــعم أو لا احنـــــا كسبنا
استفتــــا نزيــــــــه ميه الميه
بــــــــايدينا ح نبنى المستقبل
والجــــى أكيد أفضل وأجمل
والصعب بــــــاذن الله أسهل
بسلامـــــــة قصدنــــا والنية
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة