شبابنا شهداء الثورة .. فتحولنا باب الحرية
لأرواحهم الغالية الطاهرة .. تعظيم سلام وألف تحية
أحمد بسيونى أنا عارفاه .. أستاذ فى تربية فنية
وسالى زهران تالته آداب .. سابت دروسها الجامعية
وإيهاب ع المتحف راح يجرى .. يحمى آثارنا المصرية
عمرو ومحروس وشهيرة .. راندا ومحمود وأميرة
أسماء كتير راحت تهتف .. وتقول مظاهرة سلمية
إسلام محمد قال هنزل .. أمه قالتله بلاش تنزل
قال يامه غلو علينا العيش..والفول وحتى الطعمية
ده كل حاجة الغلا طالها ..وناقص الهوا والميه
يا ابنى خـايفة تتعور ..معيش أجـبلك أدوية
ودعتله يا ابنى فى حفظ الله ..ياضى قلبى وعنيه
قناصة م الشباك رقماهم .. جوه وزارة الداخلية
تتشل إيد اللى أزاهم .. برصاصة وبطلقة نارية
محمد البطران ضحى .. وما كنش طالب ترقية
وكم شريف ف الهوجة خدوه .. فى ظل فوضى أمنية
حبيب وعز وجرانه ورشيد..افتكروها حاجة مُسلية
الشـر جـواهم بيزيد .. ولخــير بلدنـا حــــرامية
أخبارهم كلها وصلانة .. من الجزيرة والعربية
وشاشتنا كانت خجلانة ..وللحقيقة مخبية
حسبنا الله ووكيلنا أكيد .. عليكو دعياها ولية
وإوعوا ننسى أى شهيد .. رفع الكرامة المصرية
دى روحه فى السما مش بعيد .. وربى قال رزقه عليه
شايفك يا مصر ف يوم العيد .. زغاريد وصواريخ ضوئية
يا رب صون مصر الغالية .. وخـليها م العدو محمية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة