أحمد سيد أحمد يكتب: هو أنا من هنا؟

هو أنا من هنا أنا حاسس إنى مش من هنا
هو أنا من إسكندرية ولا من قنا ولا أنا من عندنا
من أول مكان بدأ فيه حلمنا حلم يلمنا... يلمنا كلنا
أصلى بصراحة كنت ضدنا ضد خوفنا وضعفنا
ضد الرشوة والغنا ضد ظلم تلاتين سنة ضد حاجات كتير كانت عايشه جنبنا
وكنت زيى زينا بنخاف نقول رأينا أحسن نتمسك ويحتاسوا اهلنا
وفى يوم كده
اتغير تاريخ مصرنا
لما نزل شباب مننا
وراح الدم اللى كان دمنا
كان لازم نقوم ونحس على دمنا
واتحركنا من هنا
قصدى من هنا ومن هنا
بس استنوا
مين حيتكلم بإسمنا
ردينا بقلبنا
إحنا حنتكلم باسمنا
واتكلم شعبنا
وقامت قومتنا ومفيش كلام من بعدنا
وحنفضل كده ولو مليون سنة
بس حد يقولى هو ده حلم ولا حقيقه وأنا مش من هنا
ولا أنا مصرى وحرفع راسى وحنرفع راسنا كلنا
ولا ده كرم من ربنا
حد يقولى هو إحنا من هنا