خضرة أبو ليلة تكتب: بتهجى فى عيونك حروف

(1)
رغم افتراق الحلم
من دنيا الأمل
لسة الحياة فاردة ضلوعها تضمنى
بتهزنى
وكأنى نونو ف حضنها
مالكاه.....
ومالكنى الأمل
بيراود الحلم اللى فات
وان عدى يوم
ومشفتكيش
اتهجى ف عيونك حروف الذكريات
(2)
وكأن الحبل السرى بينا ما اتقطع
كان سرى هو ف الحياة
إحساس كأنى بمتلك
فيكى الأمومة
إحساس بإنى نفسى أكبر
جوه حضنك
بين إيديكى
ويشد عودى
أشتد.....
وياخدنى الأمل
أرسم ف عينك
شط بكرة للقا
أرسم وترسمنى الحياة
ويا ألف.......آه
لو يتعوج منى القلم
أرسم لقانا
نفترق
ونضيع ما بين كل الطرق
ونتوه ما بين كل الخطوط
كل الخطوط اتلخبتط

إهداء إلى أمى بعد رحيلى أو بعد رحيل الأيام كى تتذكرنى
ثم إلى أمى الثانية ....أم زوجى ...