قوم يا مصرى وعلى هامتـــك ابتدى شغل الرجـــــــــــــــــــال
يــــــــــــاللا قوم افخر بنفسك وإنت حاتهد الجبــــــــــــــــــال
البلد محتـــــــــــــــاجة جهدك لجل ماننول الآمـــــــــــــــــــال
كل حــــــــــــــاجة حلمنا بيها النهارده ف المنــــــــــــــــــــال
بس نبذل جــــــــــــــــهد أكبر نبنى ونهز الـــــــــــــــــــــهلال
والقلوب الشـــــــــايلة تصفى ده الهموم كانت تــــــــــــــــلال
ربنا زاحها وحمانــــــــــــــــا م الوحوش ومن الضـــــــــــلال
كل واحد فينــــــــــــــــــا لازم ياكل اللقمة الحــــــــــــــــــــلال
شوف يا مصرى إزاى عزيمـتك من عزيمة ذى الجــــــــــــــــلال
لمــــــــــــــــــــــا بتقرر تنفذ تتلغى كلمة محــــــــــــــــــــــال
ثورتـــــــــــــــــك ثورة إرادة وصفها فوق الخيــــــــــــــــــال
خلتــــــــــــــــــك تبقى المعلم للشعوب وتكون مثــــــــــــــــال
يـــــــــــــاللا نرفض كل فاسد واقطع الفرع اللى مــــــــــــــال
والوســــــــــــاطة والرشاوى تنتهى من غير ســـــــــــــــؤال
والتكافل الاجتمـــــــــــــــاعى فى الجنوب أو فى الشمــــــــال
لمـــــــــــــــــا نبقى يد واحده الصليب ويـــــــــــــــــــا الهلال
النهــــــــــــــــار لازم حايطلع بعد ذل وليلة طـــــــــــــــــــــال
حب مصر يكون هدفنـــــــــــا نفتديها بأى مـــــــــــــــــــــــال
حتى أرواحنا وولادنـــــــــــــا فرض واجب الامتثـــــــــــــــال
يــــــــــــــــــاللا نتعاهد نخلى مصر آية ف الجمـــــــــــــــــال
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة