فيسبوك
واتساب
هاحاول اخلى لسانى مــــــــــــــــؤدب
وأخلى كلامى فى شعرى مُهــــــــــذب
وهاسأل ولاد الجزم سرقوا كـــــــــام؟
ومين اللى خلى ابو النهب يهـــــــرب؟
......
هاحاول انضف زفارة لسانـــــــــــــــى
وهاسأل بأدبى ولاد الزوانــــــــــــــــى
وهاسأل حرامى الأراضى الكبيــــــــــر
اللى خلى أراضى الزراعة مبانـــــــى!
......
نهبتوا الأراضى وسقعتوا ليــــــــــــــه؟
وليه شعب بلدى جنيتوا عليــــــــــــــه؟
ولا لاقى ياكل ولا لاقى يسكــــــــــــــن
وحطيطوا مليون كلبش فى ايديـــــــــــه
......
هاحاول مخليش لسانى طويــــــــــــــــل
وهاسأل أبو لسان وحدوه وديـــــــــــــــل
وهاسأل "مبارك" و"سامح" و"سالم"
بكام بعتوا غاز البلد لٳسرائيـــــــــــــــل؟
......
هاحاول مخليش عنيه تدمــــــــــــــــــــع
وانادى لحد الحرامى ما يسمــــــــــــــــع
بكام بعتوا مصر فى سوق النخاسة؟
وخليتوا صهيون فى سيناء يبرطـــــــــع؟
......
هاحاول وانا عارف انى راح افشــــــــــل
عشان مش هاعيش باقى عمرى مُغفـــــل
ولازم اوسخ ايديه ولسانـــــــــــــــــــــــى
عشان كل خاين عن الوادى يرحــــــــــــل
......
وهاصبر لحد ما اشوف القانـــــــــــــــــون
بيفتح لكل اللصوص السجــــــــــــــــــــون
وهاقفل واتربس عليهم بنفســــــــــــــــــــى
ساعتها اللى شوفته فى حياتى يهــــــــــــون
......
