فيسبوك
واتساب
يا شباب ثورة ينـــــــــــاير يا شباب الــــــــــــعنفوان
ياللى جبتوا لنــــا البشاير وانتوا فى وسط الميــدان
لما ناديتوا بحقوقنــــــــــا والهدير ملو الـــــــــودان
لمـــــــا كان الصدر عارى والرصاص مالى المكــان
لما صحيتوا اللى نــــــايم واللى محروم والجعــــان
لما شتتوا اللى هـــــــاجم بالجمل ويا الحصـــــــان
دقوا أجراس الكنــــــايس واسمــــعوا صوت الأدان
إحموا ثورتنــــــا بقلوبكم قبل مـــــــا يفوت الأوان
واحضنوا مصر بعينيـــكم واطردوا منهـــا الشيطان
الأفـــــــاعى برأسها طلت من جحورهـــــا والديدان
والكلاب سنت سنانهــــــا عاوزة تنهش ف الكيـــان
والديابة عينيهــــــا حمرا والشرر جواها بــــــــــان
واللى بيفرق مـــــــا بينكم واللى عمره ماستكـــــان
واللى عــــاوز كل مصرى دمــــه يجرى ف الميدان
واللى عاوز تبقى فتنـــــه والبلد مفهوش أمــــــــان
نفسى نبقى يد واحـــــــدة وقلب واحد عاللى خـــان
نفسى نرفض كل ظـــــالم حتى لوكـــان ف الميدان
نفسى كل الشرطة ترجــع لجل ما نحس بأمـــــــــان
واللى متورط نحاسبــــــه والنضيف يرجع يبــــــان
هما ليهم حق فينــــــــــــا واحنا لينا حقوق كمــــان
نحترم بعض ف سلوكــنا والتعامل بامتنـــــــــــــان
والقانون يحكم ما بيننـــــا والنفوذ مالهوش مكـــان
والشعار الشرطـــة تخدم شعب شــاف ذل وهوان
لجل ما نعدى المخــــــاطر لجل ما نصيد الــــــغيلان
يـــــــــاللا بينا نقوم نعمر بالإيدين ويـــــــا السنان
خلى كل الدنيا تسمـــــــع اسم مصر بتـــــاع زمان
