سامى النويهى يكتب: دستور يا سيادى

دستور يـــــــا سيادى دستور
من حـــــــــق بلادى دستور
طـول عمرى بنـادى دستور
وكأنــــــى ف وادى مهجور

دستور يـــــــا أكابر دستور
دستور وأنــا صابر دستور
ويــــــــا رب يا جابر دستور
يخرج وأنـــــا عايش للنور

دستور وأدعيلكـــــم دستور
دستور يسعدكـــــــم دستور
ربنا يـــــــــــوعدكم دستور
بزيــــــــــارة لبيته المعمور

إزاى يـــــــــا عماشة دستور
مـــــــــن عهد الباشا دستور
يتحكــــــم فيـــــــــــا دستور
ويلف عليا ويــــــــــــــــدور

إزاى وأنـــا مصرى دستور
م العصر الحجـــرى دستور
يـــــأمرنى وأقول له دستور
أؤمر وأنــــــــا عبد المأمور

ح أرفض تعــــــديله دستور
وح انـــــــادى بشيله دستور
يــــــا جديد من بــابه دستور
يــــا ح نخرج تـــانى ونثور