يا شباب ثورة ينــــــــــــاير اسمعوا صوت النـــــفير
الميدان فيه نـــــاس كتيرة والندا يهدر هديـــــــــــر
إحنا مش عــاوزين مبارك يــــاللا قوم ارحل وطير
الشبـــــــــاب اليوم بيطلب حق تقريـــــــــر المصير
الفســــــاد عشش ومشش والبلد واقــــــــع ف بير
بير ومش باين نهايتــــــه والشعور يائس مريـــــر
بس ليل الظلم دايمــــــــــا عمره مهما يطول قصير
واللى ليـــل ونهار بيسرق إيده تتلف ف حريـــــــر
صاحب القرية الذكيـــــــة والغبـــــــــــاء المستنير
واللى كوش عالسيـــــاحة حطها ف كرشـــه الكبير
مليــــــــارات زادت وعدت وإحنا مش لاقيين سرير
واللى باعوا أرض توشكـا منحه لسمو الأميـــــــــر
واللى ف الصحراوى قسم ف الأراضى وبــاع كتير
والفلوس رحت ف بطنـــه وإحنا نمنـــــا عالحصير
واللى كان راعى التــجارة أثــــــــرى من دم الفقير
وأمـــــــــــا يتكلم يقول لك لازم المــــركب تسير
واللى خــلى الأمن يضرب بالرصـــــاص لازم أجير
واللى خلى الأمن يــــهرب لما شاف النــــاس كتير
واللى طلع بلطجيـــــــــــة تزرع الــرعب وتثير
يغسل الأموال ويجمـــــــع مليـارات من غير ضمير
إحنا صوت الشعب واسمع الحساب حايـكون عسير
مش حـــــــاتلقى حد جنبك يسندك وتــــكون ضرير
وافتــــــــكر قهرك وظلمك لما كنت ف يوم بصيـــر
ياللا سيبنا بسرعة وارحل مصر من غيــــرك بخير
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
Hader Aboshama
كلمة شكر متاخرة شوية
شكرا لافضل شاعر بيحب مصر