تل اطوار دكان ع الناصية
نقطة فى دايرة
فى زوايه حارة
جوه الفرع فروع محتارة
خلق ومجاذيب بين العمارات الشقيانة
وبنات وضافير وحبل غسيل
وعيوون سرحانة فى مرايه
فرع بصل فى البلكونة هجر السلطة
مشتاق لصوانى
تنهيدة ام بنسمعها تشق الصمت
نخرج تهتف وسط الميادين
ميادين مرصوفة بعنايه
وميدان مش لاقى شوية زفت
قولنا نمهدها بدمانا
يرجع يرسم تانى النبض
خط كرامة
ممدود من تونس لميدان التحرير
صرخة ملايين تذهل ملايين
تعلى السما تلمع بنانير
تخرس كتاب السلاطين
نكتب بالفل وبالياسمين
معنى الفخر على الأسفلت
فى الميادين
نحفر فى قلوب العالم
معنى التحرير
صورة أرشيفية
مشاركة
اضف تعليقاً واقرأ تعليقات القراء
مشاركة
