يرضيكى يا أمى أفضل أنا جنبك ما خرجش للشارع
يرضيكى واخواتى واحد ورا التانى عن حقى بيدافع
سامحينى يا أمى مش قادر أستنى والظلم طايلنا
وادعيلى يا أمى يارجع بكرامتنا.. يأما مش راجع
واقف ومش همشى أقتلنى لو تقدر
مبقتش أخاف الليل دا الشمس هتنور
ولا البعيد خايف يجى النهار ويبان
كل الى كان أسود دلوقتى يبقى اخضر
أيوه بحب الحياه منا حلتى ايه غيرها
سيبتولى ايه انتوا نايمين على خيرها
زعلان أوى إنى بقيت فايق وشايفكم
وفلحظه سوتها أولها بآخرها
دلوقتى نسرك يا مصر فرد جناحاته
من كتر متعذب صحى لقى الكتير فاته
دور عليا وسأل مين الى صحانى
رديت وقولت شبــاب منهم كتير ماتوا
ظلمونا يا بلادى فقدوا الأمل فينا
ولاقونا يا بلادى لسه الأمل بينا
دنا عشت فترابك ووقفت على بابك
عجزوا سنين عنه واستهونوا بينا
وشهيدك الى رفع علمك على ميدانك
كالصخر فوق الجبل فجبينه ألوانك
صرخ البطل م الظلم فتح لنا الأبواب
وقع شهيد بينا.. ودا كلو على شانك
علم مصر
مشاركة
اضف تعليقاً واقرأ تعليقات القراء
مشاركة
